Nakabenepisyo ang 25 ka senior citizens nga nag-edad og 90 anyos pataas sa tinuig nga cash gift distribution sa Municipal Government of Titay, diin matag usa kanila nakadawat og ₱10,000 nga pinansyal nga ayuda atol sa gipahigayon nga pag-apod-apod karong adlawa.
Kabahin kini sa programa sa lokal nga panggamhanan sa Titay nga gipangulohan ni Mayor Riorita M. Castillo, uban si Vice Mayor Leonardo B. Talania ug mga miyembro sa Sangguniang Bayan, isip pag-ila ug pagpasidungog sa mga senior citizens tungod sa ilang dakong kontribusyon sa komunidad.
Gisuperbisa ang maong kalihokan ni MSWDO Sonia S. Ofancia, RSW, kauban ang iyang mga kawani, OSCA Head Loreta A. Castillo, OSCA Focal Reia A. Bulado, ug mga kawani nga sila Ella Marie Abrica Zamora ug Hazell Jean Tablan. Gilauman nga magpadayon ang maong programa isip pagpakita sa pag-atiman, pagrespeto ug pagpasalamat sa mga tigulang nga lumulupyo sa lungsod sa Titay.
