Sikop sa kapulisan ang usa ka 24-anyos nga wanted person pinaagi sa warrant of arrest sa alas 10 sa gabii, Oktubre 26, 2026, sa barangay Labangal, General Santos City. Giila ang dinakpan sa alyas “Balong,” usa ka laborer ug residente sa maong lugar.
Gipatuman ang warrant sa Police Station 8 sa General Santos City Police Office, uban sa CIT Gensan ug Regional Intelligence Unit 12, tungod sa kasong reckless imprudence resulting in serious physical injuries and damage to property.
Human sa pagdakop, gipahibalo ang suspek sa hinungdan sa iyang pagdakop ug sa iyang mga katungod subay sa balaod. Gidala siya sa Police Station 8 alang sa dokumentasyon ug hustong disposisyon, ug sa Dr. Jorge P. Royeca Hospital alang sa medical examination.
Gipasiugda ni PRO-12 Regional Director PBGEN Alan B. Manibog nga padayon nilang ipatuman ang mga warrant nga gipagawas sa korte, subay sa balaod ug uban ang pagtahod sa katungod sa matag indibidwal.
Photo courtesy: PRO 12
