Padayon ang road concreting project sa Sitio Labuyo, Barangay Gango, lungsod sa R.T. Lim, Zamboanga Sibugay. Gibisita ang maong proyekto aron masuta ang kahimtang ug kalamboan sa nagpadayong konstruksyon sa dalan.
Gilauman nga makatabang ang maong proyekto sa pagpasayon sa adlaw-adlaw nga pagbiyahe sa mga residente, ilabi na sa pagdala sa ilang mga produkto ngadto sa merkado, ingon man sa pag-adto sa eskwelahan, trabahoan ug uban pang batakang serbisyo.
Pinaagi sa pagpaayo sa mga dalan, gilauman usab nga mas mapadali ang transportasyon ug mapalambo ang panginabuhi sa mga lumulupyo. Padayon ang pagmonitor sa mga proyekto sa imprastraktura nga gitumong sa pagtabang ug pagpalambo sa matag komunidad.
