Kapin na sa 400 ka mga representante gikan sa nagkalain-laing kooperatiba sa tibuok rehiyon sa Zamboanga Peninsula ang nakaparehistro na alang sa 7th Regional Cooperative Summit nga gikatakdang ipahigayon karong adlawa, Oktubre 14, 2026.
Matud ni Cooperative Development Authority (CDA) IX Regional Director Ruben Cunanan, niini nga higayon ilaha gyud nga giimbitar ang mga aktibong kooperatiba nga moapil o magpadala ug mga representante para makaapil sa maong summit nga pagahimoon sa Zamboanga del Sur.
Segun niya, unang higayon pa lang kini nga mahimong host ang probinsya sa Zamboanga del Sur sa summit ug sila sa CDA IX dako ang kalipay kay makatabang usab kini nga mapalambo ang ekonomiya sa Zamboanga del Sur.
Ang 7th Regional Cooperative Summit kabahin sa padayong paningkamot sa Cooperative Development Authority (CDA) Region 9 sa pagpalambo sa sektor sa kooperatiba isip usa sa mga kaabag sa kalamboan sa ekonomiya.
