Mipahigayon ang Municipal Environment and Natural Resources Office o MENRO sa lungsod sa Leyte, Leyte, kauban ang mga punong barangay sa maong lungsod, og benchmarking activity sa Barangay Alegria, Ormoc City aron makat-on sa mga maayong pamaagi sa pagdumala sa basura ug pagpanalipod sa kalikupan.
Tumong sa kalihokan nga mapalig-on ang mga programa sa solid waste management sa matag barangay pinaagi sa pagtuon sa epektibong paglain-lain sa basura, pag-recycle, pag-compost ug hustong paglabay niini.
Gibisitahan usab sa grupo ang Ormoc City Eco Waste Center aron mas masabtan ang mga operasyon sa pagdumala sa basura ug pagbawi sa mga materyales nga mahimo pang magamit pag-usab. Gilauman nga magamit sa mga barangay ang mga nakat-onan aron mapauswag ang pagdumala sa basura ug mapalambo ang pagpanalipod sa kalikupan.
Photo courtesy: Municipality of leyte
