Nadakpan sa hiniusang manhunt operation sa kapulisan ang usa ka 34-anyos nga lalaki nga giilang alyas “Jerome,” nga giklasipikar isip Top 4 Regional Most Wanted Person sa Police Regional Office 4A (PRO4A) sa rehiyon sa CALABARZON, tungod sa kasong murder o pagpatay.
Gidakop siya didto sa Barangay Manlawaan, Tabango, Leyte niadtong Oktubre 12, 2026, pinaagi sa operasyon sa Tabango Municipal Police Station (MPS), ubos sa pagpangulo ni PLT Ramesses S. Bardillon, Officer-in-Charge, sa koordinasyon sa 2nd Leyte Provincial Mobile Force Company (LPMFC), Regional Intelligence Unit 4A (RIU 4A), ug San Andres Municipal Police Station, ubos sa pagdumala ni PCOL Celerino M. Sacro Jr., Provincial Director sa Leyte Police Provincial Office (LPPO).
Ang suspek gidakop pinaagi sa Warrant of Arrest alang sa kasong murder nga gipagawas sa Regional Trial Court, Fourth Judicial Region, Branch 96, Catanauan, Quezon. Walay girekomendar nga piyansa alang sa iyang temporaryong kagawasan.
Gipahibalo ang suspek sa hinungdan sa iyang pagkadakop ug sa iyang mga katungod ubos sa Konstitusyon. Gidala siya sa Tabango MPS alang sa dokumentasyon ug hustong disposisyon samtang gihulat ang iyang pagtugyan ngadto sa korte nga nagpagawas sa warrant.
Photo courtesy: PNP LPPO
