Gipatuman sa Tambulig Municipal Police Station ang search warrant batok sa usa ka 40 anyos nga lalaki sa Purok 4, Barangay Balucot, Tambulig, Zamboanga del Sur, mga alas 6:30 sa buntag niadtong Oktubre 13. Ang dinakpan naila nga si alyas Edgardo, hingkod ang panuigon ug residente sa lungsod sa Tambulig, Zamboanga del Sur.
Ang operasyon gihimo sa mga personahe sa Criminal Investigation and Detection Group (CIDG) Zamboanga del Sur Provincial Field Unit, kauban ang ZDSPIT-RIU9 ug Tambulig Municipal Police Station, kalabot sa paglapas sa Republic Act No. 10591 o Comprehensive Firearms and Ammunition Regulation Act.
Ang search warrant gipagawas sa Executive Judge sa Regional Trial Court Branch 8 sa Molave, Zamboanga del Sur, niadtong Oktubre 7, 2026. Narecover atol sa operasyon ang usa ka kalibre .45 nga pistola, duha ka steel magazine,14 ka buhing bala sa kalibre .45, ug usa ka black holster.
Gidala ang nadakpang suspetsado ug ang mga nakumpiskang ebidensya sa buhatan sa CIDG Zamboanga del Sur Provincial Field Unit alang sa hustong disposisyon ug legal nga proseso.
Photo courtesy: PIO ZSPPO
