Nakadawat og tag-₱2,000 nga cash incentive ug 10 kilos nga bugas ang mga kwalipikadong senior citizen nga nag-edad og 80 anyos sa Maragusan, Davao de Oro, atol sa pag-apod-apod sa ayuda niadtong Oktubre 13, 2026.
Gipasiugdahan ang maong programa sa Provincial Government of Davao de Oro ubos sa pagpangulo ni Governor Engr Raul “RM” Mabanglo, nga girepresentahan ni Social Welfare Assistant Marilou S. Ferniz sa Provincial Social Welfare and Development Office (PSWDO), sa pakigtambayayong sa lokal nga pangagamhanan sa Maragusan ubos ni Mayor Cesar Clarion Colina Sr., pinaagi sa Municipal Social Welfare and Development Office (MSWDO).
Nakatambong sab si Sangguniang Bayan Member Eufelu Anino isip representante sa mayor aron ipakita ang suporta sa lokal nga pangagamhanan sa naasoy’ng programa.
Gipasalamatan sa Probinsyal nga Pangagamhanan ang mga kawani sa social welfare ug mga Social Welfare and Development Assistant (SWDA) sa ilang pagtabang sa pag-update sa datos ug pagmonitor sa kahimtang sa mga senior citizen sa matag barangay.
Gipasalamatan usab ni OSCA Head Jose Parba ang mga hingtungdang ahensya ug opisyal sa ilang kooperasyon aron masiguro nga maabot ang tabang sa mga kwalipikadong benepisyaryo.
Kabahin kini sa mga programa sa pangagamhanan nga nagtumong sa paghatag og konkretong suporta ug pag-ila sa kontribusyon sa mga senior citizen ngadto sa ilang pamilya ug komunidad.
