Magpahigayon og duha ka adlaw nga LTO Caravan ang Land Transportation Office o LTO Davao de Oro, sa pakigtambayayong sa lokal nga kagamhanan sa New Bataan Davao De Oro sa Municipal Gymnasium sa maong lungsod karong Oktubre 15 hangtod 16, 2026
Matud ni Admin Officer III Vernon Canda sa LTO Davao de Oro, lakip sa mga serbisyong ikahatag ang libreng Theoretical Driving Course, aplikasyon alang sa student permit, pag-renew sa lisensya sa pagmaneho ug uban pang may kalabotan nga transaksiyon sa LTO.
Dugang pa, ni Canda nga tumong sa maong kalihokan nga mapaduol ang mga serbisyo sa LTO ngadto sa katawhan, ilabina sa mga residente sa New Bataan nga gustong mag-aplay og student permit o mag-renew sa ilang driver’s license.
Giawhag usab niya ang tanang interesado nga mga residente nga mogahin og panahon ug motambong sa caravan aron mapahimuslan ang mga serbisyong dad-on mismo sa LTO sa ilang lungsod.
