Migawas sa resulta sa post mortem examination nga walay “foul Play” ang kamatayon sa Langyaw nga Amerikano ug nasuta nga cardiac arrest ang hinungdan sa kamatayon niini, human sa gihimong imbestigasyon sa kapulisan.
Sa pangunang paghitabo napalgang wala nay kinabuhi ang 64-anyos nga Amerikanong lalaki sulod sa giabangan nga apartment sa Purok Orchids, Mariposa Street, Barangay Washington, Surigao City, Surigao del Norte, alas 10:00 sa buntag niadtong milabayng adlaw.
Base sa imbestigasyon, walay indikasyon nga adunay nahitabong krimen. Tungod kay wala nahilabtan ang personal nga gamit sa biktima, lakip na ang ATM card, cellphone ug kwarta.
Gipahigayon ang post-mortem examination sa patayng lawas sa biktima ni Dr. Erben C. Orpilla, Assistant City Health Officer. Sa pikas nga bahin sa pakisusi sa Juander Radyo News Team, matud pa gihaya ang patayng lawas sa langyaw ngadto sa Valte Funeral Homes sa Barangay Taft, sa nahisgotang dakbayan. Samtang gipalubong na ang biktima human nga adunay asawa nga ni-claim sa maong patayng lawas.
