Sugdan na sa Cebu City Police Office (CCPO) ang sayong pagpangandam alang sa seguridad sa Sinulog 2027. Matud ni Police Lt. Col. Gerard Ace Pelare, deputy city director for operations sa CCPO, ilang gi-review ang mga security issue sa miaging Sinulog ug nagplano og mga adjustment. Matag semana na usab ang ilang coordination hangtod sa selebrasyon.
Kahinumdoman nga sa Sinulog 2026, kapin 6,500 ka uniformed personnel ug force multipliers ang gipakatap alang sa seguridad, lakip ang mga miyembro sa PNP, BFP, PCG, Philippine Army, BJMP, DOH ug mga traffic enforcer.
Samtang, nakigtagbo si CCPO chief Police Col. Ricky Sumalde sa mga representante sa National Commission on Muslim Filipinos (NCMF) Visayas Regional Office aron hisgutan ang security coordination alang sa Sinulog 2027.
Gipamahayag sa NCMF ang ilang kaandam nga motabang sa pagmintinar sa seguridad sa Metro Cebu ug makigkoordinar sa mga awtoridad sa posibleng security concerns.
Photo Courtesy: CCPO/Fb Page
