Nadakpan sa kapulisan ang usa ka 31-anyos nga lalaki human giingong namaligya og ilegal nga droga atol sa buy-bust operation sa Purok 19, Barangay Poblacion, Bayugan City, Agusan del Sur, alas 11:21 sa kagabhion niadtong Septiyembre 30, 2026.
Ang dinakpan nailhan lamang sa alyas nga Jodello, residente sa Purok 17, Sitio Bingay, Barangay Salvacion, Bayugan City.
Narekober gikan sa suspek ang upat ka pakete sa gituohang shabu nga may gibug-aton nga 1.32 gramos ug gibanabanang nagkantidad og ₱8,976. Nakuha usab sa operasyon ang usa ka cellphone, ₱500 nga gigamit isip buy-bust money, ug usa ka hinulamang bao-bao nga gimaneho sa suspek nga adunay plakang 143ZRV.
Gipangulohan ang operasyon ni Police Major Kristopher Niel Nono, Deputy Chief of Police, ubos sa pagdumala ni Police Lieutenant Colonel Josef Carlo V. Silang, hepe sa Bayugan City Police Station.
Sa pagkakaron, anaa na sa kustodiya sa kapulisan ang suspek ug nag-atubang og kasong paglapas sa Republic Act 9165 o Comprehensive Dangerous Drugs Act of 2002.
Photo courtesy:Melver A. Sabando
