Gipangulohan ni PCOL Ramel B. Hojilla, Provincial Director sa Cotabato Police Provincial Office o CPPO, ang Provincial Staff Conference niadtong Setyembre 30, 2026, sa Provincial Director’s Quarter sulod sa CPPO Compound sa Amas, Kidapawan City, diin gipunting ang mga update ug konkretong lakang alang sa seguridad sa mga eskwelahan, ilabina sa mga gikataho nga online threats, ug sa kinatibuk-ang peace and order situation sa Probinsya sa Cotabato.
Atol sa tigom, gimandoan ang mga hingtungdan nga personnel nga hugot nga subayon ang mga kalamboan, palig-onon ang koordinasyon uban sa mga eskwelahan ug partner agencies, ug masiguro ang tukmang pagpatuman ug tukma sa panahon nga pagreport sa mga safety ug security measures.
Gipasiugda usab ang padayong pagpaambit sa impormasyon ug aktibong mga interbensyon aron matubag dayon ang mga bag-ong kabalaka ug hulga, mapalig-on ang seguridad sa mga eskwelahan, ug mapanalipdan ang mga komunidad sa tibuok Probinsya sa Cotabato.
Photo courtesy:Cotabato Police Provincial Office 12
