Nagpatigayon ang Police Regional Office 12 sang apat ka anti-illegal drug operations sa sulod sang isa ka adlaw, halin 6:OO sang aga sang September 30 tubtob 5:59 sang aga sang October 1, 2026.
Tatlo ka search warrant operations kag isa ka buy-bust operation ang ginpatigayon, nga nagresulta sa pag-aresto sang tatlo ka ginakabig nga drug personalities.
Narekober sang mga awtoridad ang 33.07 gramos sang ginasuspetsuhan nga shabu nga may standard drug price nga P224,876.00. Nakumpiskar man ang mga wala sang lisensya nga armas kag mga bala.
Suno kay PRO 12 Regional Director PBGEN Alan B. Manibog, padayon nga palig-unon sang kapulisan ang kampanya batok sa ilegal nga droga, samtang ginapatuman ang pagsunod sa kasuguan kag pagrespeto sa kinamatarong sang tagsa ka indibidwal.
Photo courtesy: PNP Police Regional Office 12
