Gi-turnover ang mga consumable materials ug uban pang equipment alang sa mga estudyante nga nagkuha og Technical-Vocational-Livelihood (TVL) track isip suporta sa ilang School-Based Skills Training Program sa Tagum City National Comprehensive High School niadtong milabay’ng adlaw.
Lakip sa mga giturn-over ang food-related consumables nga gamiton sa praktikal ug hands-on nga pagbansay sa mga estudyante. Giturn-over usab ang mga equipment alang sa School Hanas, nga magsugod karong Oktubre, lakip ang griller, chopping boards, ug uban pang gamit alang sa ilang skills training sa pagluto.
Mikabat sa 115 ka TVL students sa maong tulunghaan ang makabenepisyo sa maong suporta, nga nagkantidad og ₱155,157.80 alang sa consumables ug ₱34,629 alang sa School Hanas equipment.
Mitambong usab sila City Councilor Arthur Ong, City Councilor Rex Jasper Aala, ug City Councilor Wes Caasi, isip pagpanghimatuod sa suporta sa lokal nga panggamhanan sa mga programa nga naghatag og dugang oportunidad sa mga estudyante aron mapalambo ang ilang praktikal nga kahanas.
Photo Courtesy: City Government of Tagum
