Nakumpirma nga Electrical short circuit nga hinungdan sang mabaskog nga tingog nga nabatian sa isa ka eskwelahan sa Isulan, Sultan Kudarat sang September 30, 2026.
Gilayon nga nagresponde ang Isulan Municipal Police Station kag gin-siguro ang lugar matapos ang ginpatihan sang pila ka estudyante kag personnel nga posible nga lupok sang pusil ang nabatian.
Apang sa inisyal nga imbestigasyon, wala nakit-an ang fired cartridge case, bala, marka sang lupok, armas, ukon iban pa nga ebidensya nga nagapakita nga may shooting nga natabo.
Suno sa Bureau of Fire Protection sang Isulan, ang mabaskog nga tingog naghalin sa electrical short circuit sa deteriorated service-drop wire, nga nagresulta man sa gamay nga sunog.
Wala sang pilason apang labing napulo kag anum ka estudyante ang ginsugid nga nawad-an sang panimuot. Ginaabisuhan sang kapulisan ang publiko nga magpabilin nga kalmado kag magsalig lamang sa kumpirmado nga impormasyon.
Photo courtesy: PNP
