Nag-abot kag nagpatigayon sang experiential tour sa Isulan, Sultan Kudarat ang mga delegado sang CARAGA Region nga nagapartisipar sa Mindanao Tourism Expo ukon MTEx 2026.
Gin-umpisahan ang ila pagbisita sa Isulan Municipal Hall, kun sa diin mainiton sila nga ginbaton sang lokal nga panguluhan bilang kabahin sang Regional Tourism Exchange.
Nagpadulong man ang grupo sa isa ka lokal nga mudcraft artist, kun sa diin ila nasaksihan ang paghimo sang mga obra gamit ang lunang kag iban pa nga lokal nga materyales.
Ginbisita man sang mga delegado ang SK Narra Eco Park para ma-experience ang natural nga palibot sang Isulan. Sa katapusan, nagbisita sila sa Dolarosa Spring Resort para magpahuway kag mag-enjoy sa bugnaw nga tubig kag matahum nga palibot.
Ang aktibidad nagatinguha nga mapalig-on ang tourism partnership kag mapakilala pa gid ang kultura, katahom kag mga atraksyon sang Mindanao.
Photo courtesy: Municipality of Isulan- Bagon Isulan
