Ginbuksan na sa publiko ang Mindanao Tourism Expo 2026 nga may tema nga “Wonderland – The Lost Picnic” sa Sultan Kudarat Provincial Gymnasium Grounds sa Isulan, Sultan Kudarat sang Oktubre 1, 2026.
Ang aktibidad ginapatigayon halin Oktubre 1 tubtob 7, 2026, kun sa diin nagatanyag sang nagkalain-lain nga produkto, pagkaon, kultura, kag mga lokal nga bahandi sang Mindanao.
Kabahin man sang Expo ang Mindanao Tourism Expo ukon MTEx Flea Market, kun sa diin ang mga bisita makapanginbuy-an sang nagkalain-lain nga produkto samtang nagakalipay upod ang pamilya kag mga abyan.
Ginaagda ang publiko nga magbisita, mag-explore, kag mag-experience sang mga kolor kag kultura sang Mindanao sa sini nga tourism event sa Isulan, Sultan Kudarat.
Photo courtesy: Gov. Datu Pax Ali S. Mangudadatu
