Gipahigayon sa Municipal Tourism, Culture and Arts Office kun MTCAO ang Filipino Brand of Service Excellence Training alang sa mga bangkero, boat operators, on-board drivers, tricycle drivers, ug uban pang tourism frontliners isip kabahin sa selebrasyon sa Tourism Week.
Pinaagi sa maong pagbansay, gipasiugda ang kahinungdanon sa maayong serbisyo, propesyonalismo, ug tinuod nga Filipino hospitality aron mas mapaayo ang pag-atiman ug pagserbisyo sa mga lokal ug langyaw nga bisita.
Gipahigayon usab ang maong kalihokan uban sa suporta sa Davao Oriental Tourism, diin gihatagan og kahibalo ug praktikal nga mga pamaagi ang mga partisipante aron mapalambo pa ang ilang serbisyo isip mga frontliner sa turismo.
Samtang gipasalamatan usab si Ms. Krestta Jiera Narciso kinsa naghatag ug kahibalo ug kasinatian ngadto sa mga partisipante. Gani, nagpakita usab ug suporta ang amahan sa Bagangan pinaagi na sa paghatag og rice subsidy sa mga partisipante sa maong training.
Photo courtesy: LGU Baganga
