Gipahibalo sa publiko karon sa Department of Public Works and Highways o DPWH nga 25 tonelada ang maximum load limit sa mga sakyanang moagi sa Guicam Bridge sa Zamboanga Sibugay.
Abli na alang sa publiko ang maong tulay ug mahimo na nga agian sa mga motorista ug biyahero, ilabina sa mga nagbiyahe gikan sa Olutanga Island padulong sa lungsod sa Alicia.
Gilauman nga pinaagi sa pag-abli sa Guicam Bridge, mas mapaspas ug mas makadaginot sa oras ang pagbiyahe, ingon man mas mapadali ang transportasyon sa mga residente ug biyahero.
Giawhag sa DPWH ang tanang motorista nga higpit nga mosunod sa gitakdang 25-toneladang maximum load limit ug sa mga lagda sa paggamit sa tulay alang sa kaluwasan sa tanan.
Photo courtesy: Pinoy Builders
