Abli na ang batch 2 sa financial assistance program alang sa mga indigent nga residente sa distrito dos nga mag-take ug board exam karong November ug December 2026.
Sumala sa pahibalo sa opisina ni Cong. Marly Hofer-Hasim, ang mga kwalipikadong aplikante kinahanglan nga residente sa distrito dos ug makapakita sa gikinahanglang mga dokumento sama sa application form, valid id, barangay certificate of indigency ug PRC notice of admission.
Ang application form mahimong makuha sa buhatan sa kongresista nga nahimutang sa Caparan, Ipil, Zamboanga Sibugay. Gikinahanglan usab nga dad-on sa aplikante ang original ug photocopy sa tanang requirements sa panahon sa pagsumite.
Modawat og aplikasyon gikan oktubre 5 hangtod 9, 2026 lamang, ug ipatuman kini sa first come, first serve basis hangtod mahurot ang mga available nga slots. Giawhag ang mga board exam takers nga interesado sa programa nga mag-andam sa ilang mga dokumento ug mosumite sulod sa gitakdang panahon.
