Nagpahigayon og upat ka adlaw nga benchmarking activity ang mga researcher sa Davao Oriental State University (DOrSU) sulod sa upat ka adlaw aron masuta ang mga pamaagi ug teknolohiya sa natural dye processing, laboratory research, fine arts, design, ug conservation.
Kabahin ang maong kalihokan sa proyekto nga “Development of Dye as an Art Medium Generated from Natural Assets (D-DAGTA): A Regenerative Approach to Filipinnovation of Arts,” nga nagtutok sa pag-usa sa mga natural nga tinubdan sa bio-colorants nga mahimong gamiton isip art media.
Lakip sa mga researcher nga miapil mao sila Dr. Gorjel E. Llanita, Dr. Donnell C. Cereno, Geralph Sam P. Villarubia, Desiree Joy D. Maxey, ug Hayma T. Usman. Isip kabahin sa benchmarking, gibisita sa research team ang University of the Philippines Cebu, University of Santo Tomas, National Museum of Fine Arts, ug ang DOST–Philippine Textile Research Institute.
Pinaagi sa maong mga pagbisita, nakakuha ang grupo og dugang kahibalo ug mga praktis nga mahimong magamit sa pagpalambo sa panukiduki bahin sa natural dyes isip alternatibong materyales sa arte.
Photo courtesy: DORSU
