Nikabat na sa halos 7 mil ka bakonadong hayop sa tibuok dakbayan sa Iligan sukad niadtong bulan sa Enero ug hangtud karong bulana.
Kini ang giluwatang pamahayag ni Dr. Sarah Dane Quidlat Veterinarian II sa City Veterinary Office atol sa pagbisita sa Juander Radyo Iligan News Team kaganinang buntag Setyembre 22, 2026.
Matud ni, Dr. Quidlat nga madugangan pa ang maong ihap tungod kay human sa kasaulogan sa Diyandi Festival sa syudad karong bulana sa Setyembre mobalik ang buhatan sa pagpamakuna sa mga Barangay.
Gipasabot ni Dr. Quidlat, nga matag semana ikaduha ka higayon sila magpamakuna sa mga binuhi pinaagi sa Serbisyo Caravan nga gipasiugdahan sa LGU-Iligan.
Padayon ang panawagan sa City-Vet sa mga namuhi og hayop nga pabakunahan ang ilang mga binuhi aron masiguro ang kaluwasan sa matag indibidwal ug atimanon kini susama sa usa ka tawo.
