Dili lang pagdakop sa mga nakalapas sa lagda sa balaod naka sentro ang atong kapulisan sa Dipolog City. Gihatagan usab nila ug higayon ang ilang mga kaugalingon, aron mapalig-on ang koneksyon, panaghigalaay, ug pagtinabangay sa matag miyembro sa PNP. Gipasiugda nila ang 1st Dipolog CAGPTD Pickleball Tournament, November 7, ngadto sa 8 ning kasamtanagan nga tuig.
Tumong niini mao ang pag-promote sa camaraderie ug himsog nga panglawas ngadto na sa mga personahe sa kapulisan ug ubang mga ahensiya. Ang maayong lawas moresulta sa mas paspas nga pagresponde sa emerhensya ug mas epektibo nga serbisyo sa komunidad.
Pagpakita usab kini ug maayong disiplina, patas nga pagdula ug pagrespeto sa kaatbang, mga hiyas nga importante kaayo sa ilang katungkudan isip mga tigpatuman sa balaod ug tigbantay sa kalinaw.
Gidasig usab sa kapulisan ang pagpauswag sa kooperasyon ug maayong relasyon sa ubang unipormadong nag-serbisyo ug ahensya sa gobyerno alang sa pagtinabangay sa kalinaw ug kalambuan.
