Dakpan ang usa ka lalaki, 48-anyos nga incumbent barangay councilor sa dakbayan sa Dipolog ug gi-klasipikar isip usa ka High Value Individual (HVI) human makumpiskar sa kapulisan ang gibanabanang 50 gramos nga gidudahang shabu nga nagkantidad og ₱340,000 atol sa pagpatuman sa search warrant didto sa Purok 5, Barangay Sta. Isabel, niadtong Nobyembre 5, 2026.
Narekober gikan sa suspek ang walo ka heat-sealed plastic sachet nga adunay sulod sa gituohang shabu. Lakip usab sa mga nakumpiskar ang usa ka rectangular plastic case, usa ka brown ug uban pang non-drug items.
Gipahigayon ang operasyon sa mga personahe sa Zamboanga del Norte Police Drug Enforcement Unit o ZNPDEU, kauban ang Dipolog City Police Station, Regional Intelligence Division 9 ug 901st Maneuver Company sa RMFB9 nga mi-resulta sa pagkasikop sa suspetsado ug pagkasakmit sa mga gituohang illegal nga drugas.
Ang maong operasyon base sa Search Warrant No. EJ-SW-48-26 nga giisyu sa RTC Branch 6 sa Dipolog City pinitsahan ug Nobyembre 4, 2026.
Ang mga nakumpiskang gituohang illegal nga droga itugyan sa Zamboanga del Norte Provincial Forensic Unit alang sa laboratory examination, samtang ang dinakpan gidala sa Dipolog City Police Station alang sa tukmang disposasyon.
Photo courtesy: Dipolog CPS
