Gipalig-on sa Social Security System (SSS) Pagadian ang paggamit sa digital nga mga serbisyo aron mas mapadali ug mapahapsay ang mga transaksyon sa ilang mga miyembro.
Matud ni SSS Commissioner Eva Arcos, ang pagpalambo sa digitalisasyon usa sa nakitang solusyon aron mahimong sayon alang sa mga miyembro sa pag-access sa ilang mga rekord ug pag check sa uban pang serbisyo nga mahimo nang maproseso online.
Pagpasabot ni Arcos, bisan pa sa pagpalig-on sa digital nga mga serbisyo, magpabilin gihapon ang face-to-face nga serbisyo aron matabangan ang mga miyembro nga dili pa komportable o adunay kalisod sa paggamit sa online platforms.
Tumong matud sa SSS nga masiguro nga mas paspas ug mas sayon ang pagproseso sa mga transaksyon apan dili usab mapasagdan ang mga miyembro nga nanginahanglan gihapon og personal nga assistance.
Pinaagi sa pagbalanse sa digital ug tradisyonal nga serbisyo, gilauman nga mas mapaayo pa sa SSS ang ilang serbisyo ug mas mapadali ang paghatag og tabang sa mga miyembro.
