Dakpan ang usa ka lalaki sa kapulisan atol sa gilusad nga drug buy-bust operation didto sa Barangay San Antonio, Caraga, Davao Oriental pasado alas 11:40 sa gabii, niadtong Setyembre 13, 2026.
Ang dinakpan giila sa alyas “ELMER,” 51 anyos, minyo ug residente sa Barangay Lamabajon, Baganga sa maong probinsya. Nakuha gikan kaniya ang usa ka pitaka sa gituohang shabu, usa ka tooter, usa ka Php 1,000 nga buy-bust money ug usa ka yunit sa motorsiklo nga walay plate number.
Ang mga nasakmit nga illegal nga droga gibana banaang mutimbang sa 3 ka gramos ug adunay Standard Drug Price nga Php 20,400.00. Ang maong operasyon gipangunahan sa Caraga Municipal Police Station, kauban ang 1st DOPMFC, PIU DOPPO ug lain pang mga law enforcement units.
Ang tanang ebidensya gilayong gimarkahan ug giimbentaryo sa lugar sa nahitaboan uban sa suspetsado ug sa mga testigo. Human niini, gidala ang suspek sa kustodiya sa Caraga Municipal Police Station alang sa hustong disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Caraga MPS
