Gipadala ang mga Search, Rescue and Retrieval o SRR Teams niadtong nakalabay nga adlaw, isip kabahin sa nagpadayon nga Rescuelympics 2026.
Pinaagi sa maong pagbansay, gisulayan ang teknikal nga kahibalo ug kahandam sa mga team sa pagtubag sa emerhensiyang adunay kalabotan sa landslide. Lakip sa ilang gipraktis ang pamaagi sa pagluwas sa mga lugar nga adunay gamay nga bakilid ug hustong pagkuha ug pagdala sa mga biktima ngadto sa luwas nga lugar.
Sa maong kalihokan, gipakita sa simulation ang kahinungdanon sa panaghiusa, maayong koordinasyon, tukmang paglihok ug kapaspason sa matag miyembro sa rescue team. Tumong niini, nga masiguro nga andam sila sa pag-atubang sa lisod nga kahimtang og luwas nga pagluwas ug pagbalhin sa mga biktima panahon sa tinuod nga emerhensiya.
Photo Courtesy: Civil Defense Region Xll- Soccsksargen
