Nagpasidaan ang Municipal Environment and Natural Resources Office o MENRO sa Nabunturan batok sa posibleng pagkaylap sa grass fire ug forest fire tungod sa grabeng kainit ug pagkauga sa mga sagbot.
Matud sa MENRO, atol sa pag-interview sa Juander Radyo News Team nga dali nga mokalayo ang mga uga nga sagbot, ilabi na kung adunay mga ilabay nga upos sa sigarilyo ug uban pa.Gipahinumdoman usab sa MENRO ang publiko nga magmatngon sa pagdumala sa basura ug likayan ang pagsunog niini.
Gipagawas na usab ni Mayor ang public advisory nga gipanghatod sa 28 ka barangay aron mapahinumdoman ang mga residente sa hustong pagdumala sa basura ug paglikay sa mga kalihokan nga mahimong hinungdan sa sunog.
Giawhag sa MENRO ang tanang residente nga likayan ang pagdaob-daob o pagsunog sa basura, ilabi na karon nga taas ang temperatura, aron malikayan ang grass fire ug forest fire.
Gipahinumdoman usab ang publiko nga gamiton ang hustong basurahan ug ang garbage compactor nga regular nga nagapangolekta sa basura sa mga barangay.
