Patay ang mag-uuma ug naangin ang 4 anyos nga anak nga babaye kinsa kabsan usab sa kinabuhi human gipusil kapin kon kulang alas 10:30 niadtong Septyembre 11 ning tuiga sa Barangay Gunyan, lungsod sa Siayan, Zamboanga del Norte.
Sumala sa inisyal nga imbestigasyon sa kapulisan, ang mga biktima naa sulod sa ilang panimalay dihang gipusil sa wala mailang suspetsado ug daling misibat human sa insidente. Narecover sa kapulisan sa crime scene ang 5 ka basiyo sa bala sa kalibre 45 nga pistol u gang 1 ka buhing bala.
Sa hot pursuit operation nga gipahigayon sa Siayan Municipal Police Station kauban ang 1st ZN PMFC, nasikop ang 33 anyos nga suspect nianang pagka alas 5:50 sa hapon susamang adlaw sa Brgy. Barangay. Nakuha gikan sa suspetsado ang calibre 45 nga armas nga dunay 1 ka bala apan walay magazine ug 1 ka hunting knife.
Ang nasikop nga suspek ug ang mga nakuhang butang anaa karon sa kustodiya sa Siayan MPS alang sa tukmang disposisyon ug pagpasaka sa angay nga mga kaso, sumala sa gikinahanglan. Nagpadayon pa ang imbestigasyon aron masuta ang mga sirkumstansya ug motibo luyo sa maong insidente.
Photo Courtesy: Ada Derana
