Personal nga ginbisita ni Police Regional Office 12 Regional Director PBGEN Alan B. Manibog ang mga personnel sang PRO 12 nga naka-deploy sa Maguindanao del Sur Police Provincial Office para sa seguridad kag pagpangandam sa BARMM Parliamentary Election.
Natigayon ang pagbisita ni Manibog sang September 11, 2026, bilang kabahin sang iya pagmonitor sa kahimtang, kaayuhan, kag kahandaan sang mga pulis nga naga-duty sa frontline sang election security.
Ginpahanumdom niya ang mga personnel nga magpabilin nga alerto, propesyonal, kag matinumanon sa ila katungdanan agud masiguro ang malinong, luwas, kag hapsay nga pagdumala sang eleksyon.
Suno kay PBGEN Manibog, yara sila sa lugar agud magserbisyo kag siguruhon nga luwas kag malinong ang eleksyon. Gin-awhag man niya ang mga kapulisan nga atipanon ang ila kaugalingon samtang ginatuman ang ila katungdanan.
Photo Courtesy: PNP Police Regional Office 12
