Padayon ang pag-uswag sang industriya sang kape sa Kalamansig, Sultan Kudarat pinaagi sa RAPID Growth Project. Base sa datos tubtob Agosto 2026, yara sa 1,261 ka coffee smallholder farmers ang nabuligan sang nasambit nga proyekto, lakip ang 204 ka Indigenous Peoples kag 238 ka kabataan.
Yara sa 229,000 ka coffee seedlings ang napanagtag kag 458 hectares sang coffee areas ang napalapad, nga nagkantidad sang P9 Milyon. Samtang, yara sa P1.12 Milyon ang gin-gasto para sa rejuvenation sang unproductive areas, lakip ang paghatag sang mga kagamitan para sa pag-atipan sang kape.
Naka-konektar man ang nasambit nga proyekto sang lima ka commercial partnership agreements, tatlo ka institutional buyers, kag nakaserbisyo sa 16 ka farmer organizations.
Sa kabug-usan, nakaangkon ang coffee industry sang Kalamansig sang yara sa P51 Milyon halin Enero tubtob Agosto 2026.
Photo Courtesy: DTI Sultan Kudarat
