Ginapabakod sang Lebak Coconut Farmers Agriculture Cooperative, ukon LECOFAC, ang ila kapasidad pinaagi sa strategic planning, business continuity, kag disaster risk reduction and management training.
Ginpatigayon ang training sang RAPID Growth Project halin September 10 tubtob 12, 2026, sa Barangay Christianuevo, Lebak, Sultan Kudarat.
Ini nga aktibidad may tinutuyo nga mapabakod ang kahibalo kag abilidad sang mga opisyal kag miyembro sang kooperatiba sa pagplano sang ila negosyo, pagdumala sang risgo, kag pagpadayon sang operasyon bisan may mga emerhensya ukon may mga balabag.
Samtang nagapamunga kag naga-harvest na sang lubi ang LECOFAC sa bilog nga tuig, nagapadayon man ini sa pagpalapad sang ila produksyon, consolidation, kag market participation.
Nabaton man sang kooperatiba ang duha ka Kukum Dryers nga may kapasidad nga Lima ka Libo ka whole nuts kada unit, nga nagabulig sa coconut processing kag value addition.
Ginalauman nga pinaagi sa nasambit nga preparasyon, mangin mas organisado, mabakod, kag sustainable ang coconut enterprise sang LECOFAC.
Photo Courtesy: DTI Sultan Kudarat
