Arestado ang isa ka 28-anyos nga Army Reservist sa ginpatigayon nga search warrant operation sang kapulisan sa Sitio Kalipa, Barangay New Pangasinan, Isulan, Sultan Kudarat sang Setyembre 10, 2026.
Ang suspek ginkilala sa alyas nga “Mike”, kun sa diin ginserbehan sang search warrants bangud sa ginapatihan nga paglapas sa Republic Act 9165 ukon Comprehensive Dangerous Drugs Act kag Republic Act 10591 ukon Comprehensive Law on Firearms and Ammunition.
Narekober sa operasyon ang duha ka sachet sang ginasuspetsuhan nga shabu nga may kabug-aton nga napulo ka gramo kag nagabalor sang P68,000.00, lakip ang isa ka 12-gauge shotgun nga may gin-liwat nga serial number.
Narekober man ang nagkalain-lain nga sahi sang bala lakip ang lima ka bala para sa shotgun kag tatlo ka 9mm. Ang suspek yara sa kustodiya sang Isulan Municipal Police Station samtang ginapreparar ang nagakaigo nga kaso batok sa iya.
Photo Courtesy: PNP Police Regional Office 12
