Padayon ang paghatag sang mga nga serbisyo sang lokal nga panguluhan sang Isulan pinaagi sa “Bagong Angat Isulan: Serbisyo sa Katawhan,” nga nagadala sang nagkalain-lain nga serbisyo sang gobyerno nga ginpatigayon sang Setyembre 10, 2026 sa Barangay Kudanding, Isulan, Sultan Kudarat.
Sa pagpanguna ni Mayor Bai Rihan Sakaluran, naghatag sang serbisyo sa mga residente ang Municipal Health Office, Agriculture Office, Social Welfare and Development Office, Legal Affairs Office, kag iban pa nga Municipal Offices.
Nagpartisipar man ang nagkalain-lain nga National Government Agencies kag organisasyon, lakip ang Philippine Statistics Authority, Social Security System, PhilHealth, PAG-IBIG Fund, Philippine National Police, Department of Trade and Industry, Land Transportation Office, LandBank, Provincial Mobile Hospital, Armed Forces of the Philippines, Department of Agriculture, Bureau of Fire Protection kag COMELEC.
Ini nga programa may tinutuyo nga mapalapit ang serbisyo sang gobyerno sa mga pumuluyo kag mapahapos ang pag-atubang sa ila nagkalain-lain nga kinahanglanon. Ang programa nga ini padayon na nga ginapatigayon sa nagkalain-lain nga barangay sa banwa sang Isulan.
