Nagpartisipar ang Sultan Kudarat Police Provincial Office ukon SKPPO sa 3rd Quarter Nationwide Simultaneous Earthquake Drill ukon NSED 2026, nga ginpatigayon sang Setyembre 10 sa SKPPO Provincial Headquarters, Camp Colonel Amando M. Dumlao Sr., Isulan, Sultan Kudarat.
Sa pagpanguna ni Acting Provincial Director PCOL Marvin A. Fontalva, ginpraktis sang mga police personnel ang husto nga earthquake response, lakip ang “Duck, Cover, and Hold,” kag husto kag organisado nga evacuation pakadto sa mga gin-designate nga safe areas.
Naghatag man sang medical assistance ang Provincial Medical and Dental Team nga ginpanguluhan ni PCPT Odessa Estrella G. de Guzman. Samtang, kaupod man ang Bureau of Fire Protection-Isulan bilang evaluators agud ma-ebalwar ang performance sang drill kag makahatag sang mga rekomendasyon para mapabakod pa ang disaster preparedness sang SKPPO.
Suno kay PCOL Fontalva, importante ang regular nga drills agud mapalig-on ang kahandaan, maprotektahan ang kabuhi, kag masiguro ang padayon nga public safety services sa tion sang emerhensya.
Photo Courtesy: PNP Sultan Kudarat Police Provincial Office
