Nagpartisipar ang Department of Environment and Natural Resources ukon DENR 12 sa 3rd Quarter Nationwide Simultaneous Earthquake Drill, alas Dos sang hapon, Setyembre 10, 2026.
Kabahin sa aktibidad ang mga empleyado sang DENR Regional Office 12, field offices, kag mga line bureaus nga Environmental Management Bureau ukon EMB kag Mines and Geosciences Bureau ukon MGB.
Ginpangunahan ni Climate Change and Regional Disaster Risk Focal Person Mary Ann Tenorio ang orientation parte sa husto nga tikang nga dapat pagahimuon antes, samtang, kag pagkatapos sang linog.
Ginpabug-atan man ang importansiya sang “Duck, Cover, and Hold” kag iban pa nga emergency protocols para maprotektahan ang kaugalingon sa tion sang linog.
Suno sa DENR 12, ang aktibidad kabahin sang ila padayon nga tikang sa pagpalig-on sang disaster preparedness, coordination, kag emergency response sang mga empleyado. Samtang, nagpatigayon man sa amo nga tion sang earthquake drill ang mga field offices kag line bureaus sa ila tagsa-tagsa ka lugar.
Photo Courtesy: DENR Soccsksargen
