Usa ka Amerikanang babae ang nakahimo og talagsaong demanda niadtong 1969 human masunog ang iyang balay tungod sa kilat. Sa iyang kaso, mikantidad og 100 mil ka dolyar ang iyang gipangayo nga danyos ug ang iyang giakusahan mismo mao ang Diyos.
Ang rason Giingong napakyas kuno ang Labawng Makagagahum sa pagkontrol sa panahon o gitawag sa demanda nga negligence to control the weather.
Mao nga imbes silingan, elektrisyan o kompanya sa kuryente ang iyang atubangon, diretso gyud sa langit ang iyang demanda! Pero ang pangutana sa kadaghanan: kinsa man ang iyang ipatawag sa hearing ang Diyos ba mismo o ang iyang abogado?
Matud sa usa ka netizen, basin si Thor kuno ang tinuod nga responsable sa kilat, samtang laing komento miingon nga lisod kuno dakpon ang giakusahan kay kinahanglan pa siyang moadto sa langit.
Bisan pa sa kataw-anan nga istorya, nahimong usa kini sa mga pinakatalagsaong legal nga kaso nga gikuwento sa kasaysayan sa Amerika usa ka kaso diin ang giakusahan dili ordinaryong tawo, kundili ang Diyos mismo.
Photo Courtesy: Kwnto
