Dakpan sa mga kapulisan ang usa ka giila nga High-Value Individual o HVI atol sa pagpatuman sa search warrant sa Purok Mangga, Barangay Singao, Kidapawan City, alas-1:39 sa kaadlawon niadtong September 10, 2026.
Nadakpan ang 30-anyos nga suspek nga alyas “Larco,” ug nasakmit gikan kaniya ang 10 ka sachet sa gituohang shabu nga motimbang og mokabat sa 11 gramos, nga adunay standard drug price nga kapin P71,500. Gipadala ang nakumpiskang drug evidence sa Cotabato Provincial Forensic Unit alang sa laboratory examination human kini ipresentar sa issuing court.
Ang suspek anaa karon sa custodial facility sa Kidapawan City Police Station samtang giandam ang tukmang reklamo batok kaniya. Matod sa PRO 12, padayon nilang palig-onon ang kampanya batok sa ilegal nga droga aron masiguro ang kaluwasan sa mga komunidad.
