Nasikop ang usa ka inidibidwal kinsa nagpayuhot sa ginadiling drugang shabu pinaagi sa gilusad nga drug buy-bust operation sa kapulisan sa Brgy. Cawa-cawa, Dapitan City, Zamboanga Del Norte niadtong nakalabay nga adlaw.
Giila ang dinakpan nga si alyas Ben, 29 anyos kinsa nasakmitan sa 1 ka gramo sa shabu nga nagkantidad ug Php6,800.00 lakip na mga drug paraphernalias ug mga non-drug items.
Gilusad ang maong operasyon pinaagi sa mga personahe sa Dapitan City Police Station kauban ang uban pang mga police units hinungdan sa pagkasikop sa suspetsado.
Balhog sa selda sa Dapitan CPS ang dinakpan ug mag-atubang sa kasong paglapas sa rA 9165 kon Comprehensive Dangerous Drugs act of 2002.
Photo Courtesy: Dapitan CPS
