Mag-offer ang Department of Trade and Industry (DTI) Lanao del Norte og Rehabilitation Financing sa mga MSMEs nga maigo o mapugos og temporaryong pagsira tungod sa kalamidad.
Sumala kang DTI Lanao del Norte Provincial Director Jane Mariel Tacuban, ang financing makatabang sa mga negosyante sa pagbangon ug pagpalit pag-usab sa mga gamit o pag-rehabilitate sa ilang negosyo.
Dugang niya, ang financing mahimong magamit sa pag-ilis o pag-ayo sa mga gamit ug pasilidad nga nadaot o naanod tungod sa kalamidad, uban sa ubang gasto nga gikinahanglan sa pagpadayon sa negosyo. Posible nga ang interes niini anaa lamang sa duha ka porsyento kada bulan.
