Nakuha sa mga otoridad ang patay nga whale shark o butanding sa Tubod, Lanao del Norte human kini gitaho sa mga lokal nga mananagat ngadto sa Philippine Coast Guard.
Giila sa BFAR-Lanao del Norte ang espesye ug gisukod ang lawas niini nga nikabat sa 6.91 metros ang gitas-on sa male whale shark ug gibanabana nga mokabat sa duha ka tonelada ang gibug-aton. Gituohang pipila na ka adlaw kining patay sa dagat sa wala pa kini maanod padulong sa baybayon tungod sa sulog sa dagat ug balod.
Alayon niini, gipahinumdoman ang publiko nga protektado ug endangered ang whale shark, busa ang bisan unsang nakit-ang stranded, nasamdan o patay nga marine wildlife kinahanglang i-report dayon sa MENRO, MAO o Philippine Coast
Sa pagkakaron, gidala ang patay nga whale shark sa PPA Tubod diin mitabang ang Municipal Agriculture Office, MENRO ug Bantay Dagat.
