Gipalig-on sa Department of Trade and Industry (DTI) Lanao del Norte ang financing tungod kay kini usa sa dagkong hagit sa mga gustong magsugod o magpalambo og negosyo, ilabina sa mga negosyanteng kulang og puhunan.
Kini ang giluwatang pamahayag ni DTI Provincial Director Jane Marie L. Tabucan, atol sa pagbisita sa Juander Radyo Iligan News Team kagahapong adlawa Setyembre 07, 2026.
Sumala ni Tabucan, nga ang Small Business Corporation naghatag og nagkalain-laing financing programs para sa MSMEs, lakip ang espesyal nga mga programa alang sa kababayen-an ug kabatan-onan.
Dugang pa niya, ang financing usa ka long-term nga concern sa negosyo ug gitumong nga mahatagan og mas lapad nga access ang mga negosyante bisan unsa pa ang ilang klase sa negosyo. Nagpadayon ang DTI-Lanao del Norte sa mga inisyatibo nga mosuporta sa pagpalambo sa lokal nga MSMEs.
