Misuporta ang Davao Norte Police Provincial Office (DNPPO) alang sa pagsaulog sa United Nations International Day of Police Cooperation karong adlawa Setyembre 7, 2026.
Sa pakighinabi kang PCMS Reynante S. Balacuit ang PIO PNCO – DNPPO, nga gipangulohan ni Pcol. Glenn G. Cristines ang Provincial Director sa kapulisan ning probinsya, atol sa programang Eksklusibo, ang maong pagsaulog alang sa pagpalig-on sa kooperasyon tali sa mga kapulisan sa nagkalain-laing nasud aron mas mapalig-on ang seguridad ug mas epektibong matubag ang mga krimen nga milapas sa utlanan sa usa ka nasud.
Sumala sa mensahe sa DNPPO, ang panaghiusa ug koordinasyon sa mga law enforcement agencies, lakip na ang INTERPOL, usa ka importante aron mapugngan ang krimen ug mapanalipdan ang mga komunidad.
Gipasiugda usab niini ang panawagan nga “United Through Police Cooperation”, diin pinaagi sa hiniusang paningkamot sa mga kapulisan, mas mapalig-on ang seguridad ug maprotektahan ang katawhan batok sa nagkalain-laing matang sa krimen.
Photo Courtesy: Davao Norte Police Provincial Office
