Sobra sa usa ka libo na ang nabakunahan nga mga hayop sa upat ka Barangay sa Iligan City kontra rabies atol sa Free Mass Rabies Vaccination Drive ning miaging bulan.
Subay sa datos, sa Iligan City Veterinary Office nikabat sa kinatibuk-ang 1,171 ka binuhi nga hayop ang nabakunahan, sa sa Barangay Sto. Rosario 149, 323 sa Luinab, 235 sa San Roque, ug 464 sa Sta. Felomina.
Gipunting sa kalihokan isip kabahin sa World Rabies Day nga adunay tema nga “Stronger Together,” aron mapanalipdan ang mga binuhi ug mapugngan ang pagtakod sa rabies.
Nagpaabot og pasalamat ang City-Vet sa mga responsableng pet owners nga nitambong ug gipahibalo ang publiko nga sa sunod nga vaccination schedule sa ubang barangay nga mahimo dalon ang ilang mga binuhi.
