Gipasabot ni Shelardino M. Capitan, head sa MUGNA Committee, ang reklamo sa pipila ka residente kabahin sa pagkabutang sa MUGNA sa Lodo imbis sa KCC, nga maoy unang gikonsiderar nga lugar alang sa kalihokan.
Sumala ni Capitan, tulo na ka bulan sa wala pa magsugod ang proyekto, gikonsiderar na ang KCC isip venue ug gihimo na ang mga plano alang niini. Apan tungod kay pribadong lugar ang KCC ug adunay kaugalingong construction nga gihimo ang tag-iya, wala kini mahimong gamiton alang sa MUGNA.
Nunot niini, iyang gipaklaro nga bisan pa nga gisulayan nilang ipahimutang ang MUGNA sa KCC, usa gihapon kini ka dakong hagit tungod sa problema sa traffic, ilabina kay naa kini sa sentro ug mahimong makaapekto sa nagkalain-laing ruta.
