Sikop sa mga otoridad ang usa Street Level Indibidwal atol sa gipatumang drug buy bust operation didto sa Purok D. A., Barangay Matiao, Mati City, Davao Oriental pasado alas 8:23 sa gabii niadtong Setyembre 3, 2026.
Gihimo ang operasyon pinaagi sa pwersa sa mga personahe sa Mati City Police Station, kauban ang PIU DOPPO, 1103rd RMFB 11 ug sa koordinasyon sa PDEA DOPO XI nga miresulta sa pagkasikop ni alyas Renon, 34 anyos, minyo, walay trabaho ug residente sa Prk. Amelia 2, Riverside Sudlon, Barangay Central.
Narekober gikan sa dinakpan ang duha ka heat-sealed transparent plastic sachet nga adunay sulod sa gituohang shabu nga gibana banaang mutimbang sa 1.38 gramos ug adunay kinatibuk-ang kantidad nga PhP9,384.00 ug usa ka P500 nga buy-bust money.
Human sa pagdakop gipahibalo ang suspek sa iyang mga katungod ug gimarkahan ug giimbentaryo usab sa lugar sa operasyon ang mga nasakmit nga mga ebidensya.
Sa kasamtangan gibalhog na ang suspetsado sa prisohan ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Mati CPS
