Malipayon nga giabiabi sa Local Government Unit of Ipil si Ms. Mayer Delgado, Regional Officer sa Anti-Red Tape Authority o ARTA, atol sa iyang pagbisita sa munisipyo alang sa Symposium on the ARTA Youth Movement.
Nahimong higayon ang maong pagbisita aron mapalig-on ang koordinasyon tali sa ARTA ug LGU Ipil, ilabina sa padayon nga pagpalambo sa episyente, transparent, responsive, ug citizen-centered nga serbisyo publiko.
Atol sa symposium, gipasiugda ang importansya sa pagwagtang sa red tape, pagpasimple sa mga proseso sa serbisyo, pagpalig-on sa accountability, ug pagpauswag sa ease of doing business.
Gihatagan usab og dakong pagtagad ang papel sa kabatan-onan sa pagpalig-on sa maayong pagdumala o good governance, ilabina sa pagpasiugda sa hapsay ug matinud-anong serbisyo sa publiko.
Padayon ang LGU Ipil sa pagpatuman ug pagpaayo sa mga programa ug inisyatibo nga nagtumong sa mas paspas, mas klaro, ug mas sayon nga serbisyo alang sa matag Ipileño.
