Gipaduol sa Taiwan ang mga bag-ong teknolohiya ug innovation capabilities niini ngadto sa merkado sa Pilipinas pinaagi sa Taiwan Excellence Pavilion atol sa Taiwan Expo 2026 nga ipahigayon sa Septiyembre 17 hangtod 19 sa SMX Convention Center sa Manila. Ubos sa tema nga “Empowering a Smarter Future,” ipakita ang 24 ka Taiwan Excellence-awarded brands.
Ang mga produkto ug teknolohiya gibahin sa upat ka sektor nga mao ang Intelligent Technology, Smart Life, Smart Healthcare, ug Consumer Electronics.
Gipakita niini ang nagkalain-laing kapabilidad sa Taiwan sa research, design, manufacturing ug technology nga mahimong magamit sa negosyo, healthcare ug adlaw-adlaw nga panginahanglan.
Tumong sa pavilion nga hatagan og oportunidad ang mga kompanya sa Pilipinas nga masuta ang mga teknolohiya, makaila sa mga kompanya sa Taiwan ug makapangita og posibleng partnership sa negosyo.
Samtang, ang mga kompanya sa Taiwan makakuha usab og mas lawom nga pagsabot sa Philippine market ug mga oportunidad alang sa umaabot nga kooperasyon.
Gilauman nga ang tulo ka adlaw nga exhibition mahimong tulay alang sa mas lig-on nga trade relations, technology integration ug business partnerships tali sa Taiwan ug Pilipinas.
Photo courtesy: ph.taiwanexpoasean.com
