Gipahigayon ang simultaneous active shooting drill sa Digos City National High School, isip kabahin sa pagpangandam sa eskwelahan ug kapulisan panahon sa posibleng emergency kagahapong adlawa Septiyembre 3,2026.
Matud ni PLtCol Norman Yparraguirre, Chief of Police sa Digos City Police Station, ang PNP maoy first responder sa mga emergency call, lakip na sa mga insidente sulod sa eskwelahan.
Dugang ni PLtCol. Yparraguirre, nationwide ang maong kalihokan ug unang higayon nga gihimo kini nga active shooting drill sa eskwelahan, pinaagi sa koordinasyon sa kapulisan ug school personnel. Gikatakda usab nga ipahigayon matag quarter ang susamang drill aron padayong mapalambo ang kahandam ug safety plan sa eskwelahan.
Pinaagi sa kanunay nga pagbansay, gilauman nga mas mapalig-on ang koordinasyon sa kapulisan ug eskwelahan aron masiguro ang kahandam ug kaluwasan sa mga estudyante ug personnel panahon sa emergency.
